Leve Besökerinnen un Besöker,
en groot Stadt bruukt veel Kultuur! Dat mütt düchtig bunt sien, wat herwiesen un för en dulles Levensgeföhl sorgen.
In Bremen gifft dat spannende Museen, Theoter un Orchester. Dat warrt ok buten vun Bremen sehn.
To glieke Tiet arbeit hier vele free´e Künsterinnen un Künstlers, de mit nee´e Ideen Nee´es anreegt.
Kunst un Kultuur sünd heel wichtig för de Stadt un de Quartere. Se mookt dat Leven vun de Minschen hier rieker. Wat us Kunst un Kultuur beden deit, dat treckt Feriengäst vun wiet weg oder Noverschen vun blangenan ut Neddersassen an. Mit allens, wat Bremen to beden hett, warrt wi hier jümmers mehr to´n kulturellen Dreihpunkt för ´n groten Landstreek.
Us rieke historische Arvdeel mütt heegt un pleegt warrn. Dat is een Opgaav för us in dat Kultuurressort. Just so hoolt wi de Hand över Kunst un Kultuur, helpt un sett us in. Wi geevt un garanteert ´n fasten Rohmen för uns Kunst- un Kultuursteden. Junge Künstlers schüllt noch mehr fördert warrn – just so dejenigen mit anneren kulturellen Achtergrund. För us is wichtig, dat wi Lüüd, de Kultuur schafft, för en lange Tiet an uns binnen doot. Jümehr Arbeit is us heel wichtig!
Wenn Se wat anregen, wat bekriddeln oder man blots wat frogen wüllt, mellt Se sik geern!
Ik grööt vun Harten!
Jümehr Börgermester Dr. Andreas Bovenschulte Senoter för Kultuur
