Balgeree
Keen Angst vör dit Wark. Doon deit lehren!
Sük balgen maakt Kinner blied. Van Belang is, dat de Kinner, de mitnanner balgen, gliek groot un gliek wat manns sünd. Regels köönt tosamen upstellt worden. Daar mutt klaar worden, wat verboden is!
1. Stee: Bispill: Regels, wo de Kinner sük verhollen sallen.
2. Stee: Spölen för de heel Klass 3. Stee: Arbeidskaarten
1. Stee: Regels, wo de Kinner sük verhollen sallen.
1) Nüms sehr doon! Neet kniepen, an ´t Haar trecken, neet krabben, neet hauen un sükse Saken!
2) Neet killern un neet an de Kleer trecken!
3) Wenn de Balgeree anfangt un wenn ´t to Enn is: akkeraat as de Japaners verbugen un begröten!
4) Eerst anfangen, wenn de Fründ ok so wied is. Startteken ofmaken, to ´n Bispill: beid seggen langsaam „Nu geiht los!“
5) Wenn du to groff west büst, muttst du seggen, dat di dat leed deit!
6) Wenn di ´t to vööl word of wat sehr deit, dröffst du „STOPP“ seggen! Du dürst ok dree Maal up d’ Baam of up de Liev van dien Partner klatsken.
7) En Uppasser kann ok „STOPP“ seggen. He dürt ok „STOPP! Is daan!” seggen, wenn de Balgeree to groff worden is, denn düren beid neet wieder balgen.
2. Stee: Spölen för de heel Klass
Eerstmaal Regels inhollen: Steert klauen (nett as Schwänzestehlen) Eerstmaal Beröhren: Atoomspill, Wuddels trecken
Stee: Balldeev
Du bruukst: 2 Matten, 1 Medizinball
De Uppasser hollt de Ball fast (Medizinball). De Deev versöcht, de Ball to klauen. Na en Sett wesseln ji.
Balgeree
Stee: Sumo
Du bruukst: 1dick week Matt of 4 Turnmatten
Versöök, dien Fründ up d´ Rügg to leggen. Verloren hett he, wenn he 3 Sekunnen mit beid Schuller up d´
Matt liggt.
Balgeree
Stee: Balgeree um de Waterpool
Du bruukst: 1 Gymnastikreifen Hollt jo an beid Hannen fast.
Versöök, dien Fründ to trecken of to schuven, so dat he in de Waterpool paast.
Balgeree
Stee: Schuven
Du bruukst: 1 dick week Matt
Versöökt, jo tegensiedig van de Matt to schuven. Well toeerst mit een Deel van sien Liev up d´ Grund kummt, hett verrattst (verloren).
Stee: Rügg an Rügg
Du bruukst: 1 Turnmatt
Sett jo Rügg an Rügg up de Matt.
Seggt to jo: Nu – geiht – los!
Versöökt beid, de anner mit d‘ Rügg van de Matt to schuven.
Balgeree
Stee: Hannen stöten
Stellt jo tegenöver up. De Hannen vör de Bosten, de Arms utstrecken.
Versöök nu, dien Fründ mit Stöten tegen de Hannen ut
´t Gliekgewicht to brengen.
Balgeree
Stee: Stuur Esel
oder wegen des schönenWortes: DwarsbüngelDu bruukst: 1 Bank up d‘ Kopp
Dien Fründ un du stellen sük up de Ennen van de Bank.
Nu willt du up de anner Sied van de Bank, man dien Fründ will dat neet lieden. Ji versöken jo tegensiedig van de Bank to stöten.
Balgeree
Stee: Treckt hum röver
oder Hau ruckDu bruukst: 1 Streek up de Eer
Stellt jo an en Streek tegenöver up. Faat jo mit een
Hand an. Versöök nu, jo over de Streek to trecken.
Stee: Rut ut dat Kittje
Du bruukst: 2 Matten of 1 dick week Matt
De dick Matt is dat Kittje. De Gefangene sett sük hen as en Bank.
Een van jo is de Gefangene, een is de Uppasser. De Uppasser hett de Gefangene um de Liev to faten. De Gefangene
versöcht, ut dat Kittje to komen. Sodraa he mit de Hannen tegen de Matt is, is he freei. Na en Sett wesseln ji.
Balgeree